Нош ик газетлэн бамъёсаз
Удмурт Элькунысьтымы Азьмуртэзлэн пуктэтэзъя 10 коньывуонэ 2013 аре Кизнер ёросысь эмъяськон юрт пыртэмын Элькунысь данъян пул вылаз. Солэн свидетельствоез сётэмын вал та юртлэн валтӥсь эмчиезлы, Удмурт Элькунысь эмъяськонниын заслуженной ужасьлы - Елена Ивановна Овчинниковалы. Элькунысьтымы валтӥсь ужассы Ю.С. Питкевичен. Куамын аръёслэсь трос ни ужало но эмъяло висись адямиосыз таты. Та юртын юнмато тазалыксэс, йӧнато ёзвиоссэс, суй-под но сюрлы висёнъёссэс. Эмчиос ужазы куто инкуазь сётосъёсты - эмъясь дэри но эмъясь минерал вуэз. Ужало 7 эмчиос но 39 шор эмчиос. Ваньзэ лыдъяса та дырозь эмъяськизы 70 сюрслэсь трос висисьёс инн. Ар куспын юнмато 4 сюрслэсь трос адямиос. Материально-технической базаез но туж зол, со тупа.Асьме но дуннеысь стандартъёслэн куронъёслы. Тыршо вошъяны но выльдыны эмьян но диагностической процэссэс. Табере эмчиос ужало ни электронной историяосын, пытӥсько пӧртэм конференциосы но вебинаръёсы. Уждунзы татын ужасьёслэн ӧдыи ӧвӧлэмчиослэн шор уждунзы 40 сюрс манет. Удмурт Элькунын эмъяськон юртъёс пӧлын но со луэ азьмынӥсез, со пыре Россияысь одӥгез валтӥсь эмъяськонниосы.
Шумпотыса луэ вераны лыдӟисьёслы таӵе данзэ но та юртлэсь - со пыртэмын. Национальной конкурсысь лауреатэ со нимаськиз. "2013 аре Россияысь азымынӥсь шутэтсконни". Та конкурсэз ортчытӥз Санкт-Петербургысь "Эксперт-Медиа-Групп" компания, кытын соос басьтизы медаль но сертификат. Ӟечкыласькомы!